|
"İrəli” İctimai Birliyi və Xəzər İntellektual Gənclər Klubu Gənclər və İdman Nazirliyinin təşkilatçılığı ilə Azərbaycanın bütün bölgələrində, eləcə də ali məktəblərdə gənclərin intellektual inkişafını stimullaşdırmaq məqsədi ilə "Nə? Harada? Nə zaman?” intellektual layihəsini həyata keçirir. Layihə çərçivəsində noyabrın 15-də Bakıda "Payız kuboku” turnirinin final mərhələsi keçirilib.
Turnirin məqsədi gənclərin intellektual potensialını üzə çıxarmaq, elmi biliklərini genişləndirmək, komanda işini təbliğ etməkdir.
Final mərhələsində 30 komanda iştirak edib. Yarışda 1-ci yeri Azərbaycan Dövlət Neft Akademiyasının "Maqnat” komandası, 2-ci yeri Sumqayıtın "Sunreturn” komandası, 3-cü yeri isə Bakı Dövlət Universitetinin "İstiqlal” komandası tutub.
Komandanın kapitanı Nicat Ramazanov öz fikirlərini bizimlə bölüşdü: "
Əla oynadıq. Allahın köməkliyi ilə layiq olduğumuzu qazandıq, tutmalı olduğumuz yeri tutduq... Təbriklər İstiqlal "
Bizdə sayt administrasiyası adından İstiqlalı 3-cü yer naminə təbrik edir və uğurlarının davamlı olmasını istəyirik!
| 
