666 haqqında - 2 June 2009 - Əgər cinayət varsa cəza da olmalıdır!
Bazar, 2016-12-04, 7:48 AM
Dizi üstə yaşamaqdansa ölmək yaxşıdır!
Ana səhifə | Qeydiyyat | Loqin Xoş gəldin Qonaq | RSS
Sayt menyu
Blood Memory-Azerbaijan been occupied by armenians land :Khojavand :18.02.1992 Khojaly :26.02.1992 Shusha :08.05.1992 Lachin :17-18.05.1992 Kalbajar :03-06.04.1993 Aghdara :17.06.1993 Aghdam :23.07.1993 Jabrail:18.08.1993 Fuzuli :23.08.1993 Gubadly :30-31.08.1993 Zangilan :29-30.10.1993
Yeni
BDU [1]
1370 [2]
Xəbərlər [12]
Maraqlı [21]
Musiqi [34]
Proqramlar [4]
Sağalamlıq [1]
İdman dünyası [0]
Sevgi [8]
Məşhurlar&Şəxsiyyətlər [14]
Din [3]
Aforizmlər&şeirlər [5]
Video [8]
Türk dünyası [1]
Hüquq [5]
Şəkillər [7]
Azərbaycan-Qarabağ [13]
Gizli təşkilatlar, qurumlar və məxvi fəaliyyətlər [8]
Mini çat
Sorğu
Vətən uğrunda istənilən müharibəyə gedərsən?
Ümumi cavablar: 347
Ana səhifə » 2009 » İyun » 2 » 666 haqqında
666 haqqında
10:08 PM
666 - mİfologiyada "Heyvan rəqəmi" və ya "İblisin rəqəmi" adlanan bu rəqəm dünyanın sonuna az qaldığına işarədir.

Həvariyun İoannın "Apokalipsis" əsərində yazılmışdır: "... Kimin əqli varsa, Heyvanın rəqəmini hesablayıb dünyanın sonuna az qalmış gələcək Antixristin adını onunla öyrənə bilər. O rəqəmsə insanidir və altı yüz almış altıya bərabərdir..."

Təxminən 2 min əvvəl qələmə alınmış bu kəlmələri insanlar oxuyandan bəri elə hey hesablayır, hesablayır, lənətə gəlmiş 666-nı ən müxtəlif hökmdarlarla bağlayır, dünyanın sonuna az qaldığını deyirlər.

6 rəqəmi ilə bağlı tarixi hadisələr



Tarixi yada salanda bəlli olur ki,

1906-cı ilin iyunun 6-da Çar Rusiyasının Dövlət Dumasının deputatları ölüm hökmünün ləğvi barədə qanun veriblər: imperiyanın çöküşü və bolşevik inqilabında bu qanun müstəsna rol oynadı.

1996-cı ilin iyunun 6-da Kampuçiyadakı "qırmızı kxmer"lərin qanlı lideri, milyonlarla insanı kütləvi şəkildə məhv etdirmiş Pol Pot dünyasını dəyişib.

1096-cı ilin iyunun 6-na aid olan xronikalarda isə tarixçilər yazır ki, həmin gün "ulduzlar səmada dəli kimi sayrışıb uçurdular".

Bəşəriyyətin yaşadığı eralar ərzində dəfələrlə bu rəqəmə bərabər tarixlər olub və hələlik dünyanın sonu çatmayıb. 666 rəqəminə bərabər tarixlərdə də fəlakətlər baş verməyib. İslam və iuadizmdə 666 rəqəmi adi saydırsa, xristian aləmində məşumluq rəmzi sayılır. O da ki, məhz Müqəddəs İoannın "Açıqlama"sından sonra.

Numerologiyada 666



Numerologiya, yəni rəqəmlər barədə elmin kanonlarına görə əlahiddə götürülmüş 6 rəqəmi məsuliyyət rəmzidir. 666 rəqəminə gəldikdə isə, onun barədə fikir yürütmək üçün "obyekt"i parçalamaq gərəkdir. 666 rəqəmini təşkil edən 6-ları toplamaq (6+6+6), alınan 18 rəqəmini də ayırıb cəmləmək (1+8=9) lazımdır.

Və məhz bu zaman İoannın yazdığı kimi "insani rəqəm"lə əlaqə aşkarlanır. Müxtəlif xalqlar, dönəmlər və mədəniyyətlərdə 666 fərqli məna daşıyır. Məsələn, ərəblər və yunanlar bu rəqəmi Günəş simvolu sayırdılar.

Qədim Misirdə isə Ptolomeylər dönəmlərində 666 rəqəmi Serapis adlı tanrını təcəssüm etdirirdi.

Bundan başqa, 666 "İblis"in yeganə yox, yalnız çoxsaylı rəqəmlərindən biridir. Belə ki, elə həmin İoannın "Açıqlama"sının qədim yiddiş və aramey dillərində yazılmış digər variantlarında "Heyvan rəqəmi" qismində 616, hətta 646 göstərilir.

666 rəqəminin katolisizmdə digər mənası "üçqat natamamlıq"dır. Çünki müsəlmanlarda olduğu kimi, xristianlarda da 7 müqəddəs rəqəmdir: "Açıqlama"da 40 dəfə 7 rəqəminin adı çəkilir. 6 isə "natamam 7" qismində həmişə 7-nin tam əksi kimi qəbul olunub. Yəni üçqat 7-ni (777) xristianlar "tam müqəddəslik" simvolu hesab edirdilərsə, 6 isə bilaəks - natamamlıq, yaramazlıq, yarımçıqlıq simgəsi sayılıb.

İoannın "Açıqlama"sı və ya yunanca "Apokalipsis"i yazıldığı uzaq sənələrdə rəqəmlər adətən rəqəmsal məna verilən hərflərlə göstərilirdi. Və buna görə məşhur tarixçilərin çoxu əmindir ki, "Açıqlama"da "Heyvan rəqəmi" və İblis nişanəsi kimi göstərilmiş 666 əslində kimin gerçəkdən də Məşhər günü bəşəriyyəti məhv etməyə gələcək heyvan olduğunu anlamaq üçün insanlara verilmiş tapmacadır.

İnsan oğlu əsrlər boyu 666 rəqəmini anlamağa çalışaraq tapmacanın cavabını arayıb. Antixrist kimi müxtəlif vaxtlarda Roma imperatoru Neronun adı çəkilib və bəzi tarixçilər də düşünür ki, İoann məhz bu adamı nəzərdə tutub. Zira axtarılan rəqəmi almaq üçün latın dilindəki "Kesar Neron" kəlmələrini qədim yəhudi hərfləriylə yazmaq, sonra da onları rəqəmsal ölçülərini toplamaq gərəkdir. "Heyvan rəqəmi"nin daşıyıcısı kimi "fəxri" ada namizədlər arasında çeşidli dönəmlərdə krallar X Karl və XI Karl, Rusiya çarı I Pyotr, Napoleon, Lenin, Stalin, Hitler, Rotşild, Roma Papası II İohann, Bill Geyts və Mixail Qorbaçovun da adları çəkilmişdi. Bəzi "üləma"lar hətta İnternetdə də "Heyvan rəqəmi"ni aşkarlayıblar: əgər standart "WWW" prefiksinin hərflərində sağ "cizgi"ləri götürsək, onda Roma rəqəmləriylə "VIVIVI", yəni 666 alınır. "Dünyanın sonu" haqqında çığırtılı öngörmələrə, vahiməli təxminlərə isə inanmağa dəyməz. Məsələn, iki əsr əvvəl Almaniyada "xristian tarixi bilicisi" kimi tanınan Albrext Benql "1836-cı ildə dünyanın sonu olacaq" deyərək həşir qaldırmış, Avropa ilə yanaşı Amerikada da milyonlarla insanı qorxutmuşdu. Təxmin özünü əsla doğrultmasa da, insanlar tam 4 il xoflu qaldılar. Maraqlıdır ki, katoliklərdən fərqli olaraq Rusiya Pravoslav Kilsəsi 666-dan əsla çəkinmir və onu adi rəqəm sayır. Rus keşişləri axmaq deyillər: onlar deyirlər ki, əgər rəqəm "iblisanə" olsaydı, onda Bibliyada da 666-cı səhifə olmazdı. Keşişlər onu da söyləyirlər ki, 666 rəqəmi özlüyündə təhlükəli deyil - həvariyun İoann sadəcə olaraq həmin rəqəmdən istifadçə edib Məşhər günü İblisi tanımağı istəyib.
Kateqoriya: Maraqlı | Baxış: 451 | Əlavə etdi: calderon
Ümumi şərhlərin sayı: 1
2009-06-17 Spam
1. Əmiraslan (huquq)
Dəyərli məlumatlardı çox sağol Fərid biggrin

Yalnız qeydiyyatdan keçənlər şərh yaza bilər.
[ Qeydiyyat | Loqin ]
İstifadəçi forması
Arxiv
«  İyun 2009  »
BB.eÇ.aÇC.aCŞ
 123456
78910111213
14151617181920
21222324252627
282930
Axtarış
Dost saytlar
Statistika

Ümumi istifadəçilər 1
Qonaq 1
İstifadəçi 0
Hüquqları qorunur 2016